წიგნები

საქართველოს ობობები 

საქართველოს ობობები - თამარ მჭედლიძე

ინტერნეტში, ჩემ და გასაკვირად, მივაგენი აქ ამ საინტერესო წიგნს. რადგანაც უფასოდ ვრცელდება - მეც გავავრცელებ.
წყარო: http://caucasus-spiders.info/

ნადირობა ქურციკების ყანაში

დღევანდელი პოსტის თემა ძალიან დიდი ხანია მიტრიალებს თავში. ამაზე ლაპარაკი ისეთი ფაქიზი რამეა, რომ არ ვიცი საიდან მივუდგე. არ ვიცი, დაცული ტერიტორიების რამდენ პატიოსან და ალალ თანამშრომელს ვაწყენინებ, იმედია - გამიგებთ. არ ვიცი, ავნებს თუ ასარგებლებს ეს პოსტი ყველა განათლებული ადამიანისთვის ესოდენ მნიშვნელოვან საქმეს - ბუნების დაცვას. მაგრამ, ქურციკის მკვლელობამ მოიტანა, თემა მომწიფდა - უნდა ვთქვა...

ვემზადებით გასაგზავრებლად, ამჯერად სომხეთში

ჩვენი მორიგი ვიდეო მისია არის სომხეთი: მუფლონები (Ovis orientalis gmelini) და ნიამორები (Capra aegagrus aegagrus). მუფლონები საქართველოში საერთოდ არ ბინადრობენ, ნიამორების მცირე პოპულაცია კი გვყავს თუშეთის ეროვნულ პარკში.

მუფლონის ფოტო არ მაქვს (ჯერ) და ამიტომ ვერ დავდებ. ვფიქრობ, რომ ორ კვირაში მექნება ფოტოც და ვიდეოც. ადგილზე გველოდება ერთ-ერთი საუკეთესო სპეციალისტი საველე სამუშაოებში, ალექსანდრე მალხასიანი. მისი მრავალწლიანი გამოცდილება მაიმედებს, რომ ხელცარიელი არ ჩამოვალ. ერთადერთი რაც არი ვიცი, ჩამოვიტან მასალას, გადაღებულს ასეთი მანძილიდან:

თუ ასეთი დისტანციიდან (იპოვე ჯიხვი):

ჯიხვების (Capra caucasica cylindricornis) ეს ორივე ფოტო გადაღებულია თუშეთის ეროვნულ პარკში, საჰაერო თვლებში მონაწილეობის დროს, მადლობა ილიაუნის.

ხო, ჯიხვებს რაც შეეხება: მორიგი სამარცხვინო ბრაკონიერობა. ეგ ამბავი იყო, არის და დიდ ხანს იქნება კიდევ. სამწუხაროდ.

შირვანის ეროვნული პარკი, აზერბაიჯანი

შირვანის ეროვნული პარკი წარნოადგენს სავანური ტიპის ლანდშაფტის 544 კვადრატული კილომეტრის ნაკვეთს ბაქო-ასტერა-ირანი ტრასას და კასპიის ზღვის ნაპირს შორის. გზა თბილისიდან გრძელია - თითქმის მთელი დღე წაიღო. იმის მიუხედავად, რომ თავად ტრასა კარგ მდგომარეობაშია (ჩვენს გზებს ათი თავით ჯობია), 60კმ შემზღუდავი ნიშნები, ტრასის გაფართოებითი სამუშაო და პოლიციის შიში ძალიან ანელებს მოგზაურიბას. ერთი საათი საბაჟოზე ჩხრეკა დაამატეთ. ხო, იქაური პატრული მოძრაობს ახლად-ახალი BMW-ით. Why?!  Because... 

დავუბრუნდეთ შირვანს. აქ შეღწევა უბრალო მოკვდავისთვის მარტივი არაა. ტურისტებს უშვებენ, ოღონდ სავალდებულო გამყოლით.